Bìculos de literadura #42 (Domo de Jordi)

Sèberos de Sarvadore Serra leados dae s’òpera “Domo de Jordi” de Antoni Arca publicada dae NOR in su 2017 (colletzione Isteddos).

Pro reatzione, Célestine Marie si fiat posta cun un’atoredda de sa cumpangia, una bella pitzinna simpàtica chi praghiat finas a su regista, a Jordi. Gasi, Célestine e Jordi fiant istados rivales in amore, finas a sa fine de sa tournée, cando, posca de chimbanta rèplicas e una festa manna in su ristorante Llums i fums, fiant agabbados in su matessi letu issa, isse e s’atoredda. A su mesudie, cando si nde fiant ischidados, s’atoredda non bi fiat prus, e in logu suo b’aiat unu billete: “Seis pròpiu una bella còpia!”.

Lassa unu cummentu

S'indiritzu email tuo no at a èssere publicadu. Is campos pedidos sunt signados *

*