Sèberos de Sarvadore Serra leados dae s’òpera “Domo de Jordi” de Antoni Arca publicada dae NOR in su 2017 (colletzione Isteddos).
Su note, traessende dae Marsìllia a sa costa de Còrsica, Jordi s’intendet un’àteru òmine; sa presèntzia de Célestine Marie li faghet coràgiu, e Eve-Marie est un’amore. Bella, dultze, gràida de ses meses, unu frore de fèmina. Ant faeddadu sos tres impare sètzidos a curtzu a curtzu a sa lughe de sa luna e de sos isteddos. S’iskipper fiat un’Ulisse modernu e Salvador cantende cun Jenny, Fanny e Hanny fiant sirenas bellas ma sena perìgulu perunu. A mesanote, o forsis de prus, si nche sunt intrados a cabina Jordi, Célestine Marie e sa fìgia. Sos àteros in su ponte galu, a su friscu de su note, tzatzarende de nudda.
Leave a comment