Sèberos de Sarvadore Serra leados dae s’òpera “Domo de Jordi” de Antoni Arca
publicada dae NOR in su 2017 (colletzione Isteddos).
Como so sola in màchina e ti potzo iscrìere custas pagas rigas sena ispricare a nemos ite so faghende. Mama e Salvador sunt cun Jordi Sampere e sos amigos suos. Brigant pro chistiones chi non chèrgio mancu cumprèndere. Sunt afutados e narant su chi lis essit dae sa matza: in frantzesu, mannai tua Célestine, in catalanu Jordi, chi cheret èssere nonnu tuo de batiju, in italianu custu amigu issoro chi li narant Giovanni, e in castillianu totus tres cando li faltant paràulas. Non si cumprendet nudda, a parte chi sunt afutados.
Leave a comment