Sèberos de Sarvadore Serra leados dae s’òpera “Domo de Jordi” de Antoni Arca
publicada dae NOR in su 2017 (colletzione Isteddos).
Como podent andare. Hanny e Jenny ant leadu a bratzete a Jordi e Fanny a Dellafrancesca. Pagos minutos de caminu e sunt in su ristorante. Peter Fellow e Mario Johnson los sunt isetende sètzidos e bufende binu nieddu. Mario faghet su tzinnu a Peter pro l’inditare sa bandera. Peter si nde pesat e andat a abratzare a Dellafrancesca cramende·lu: – Jordi, my dear Jordi – e sena atentzionare a sos àteros. Mario lu cramat e li faghet annotare s’errore. – Ou, ou! – narat sighende cun «my dear Jordi», ma custa borta cun su Jordi de a beru.
Leave a comment