Sèberos de Sarvadore Serra
leados dae s’òpera Sos vantos de su machine (Stultitiae laus)
de Eràsimu de Ròterdam traduida in sardu dae Albino Pau
e publicada dae Condaghes in su 2009.
De su restu, custa est sa sagura naturale: est bastante chi su sole bochet a sa terra sa cara sua bella e luchente che a s’oro, o chi a pustis de un’iverru malu su veranu peset sos àlinos tèpios de sos venteddos, chi deretu su munnu torrat in cara vona, in colore noale, a sas secus chèglio narrer in pitzinnia; e gai matessi vois chi, bonus chi m’atzes vistu, atzes mutatu deretos ghitza.
E sinnuncas cuddu resurtatu chi cumitziantes famatos a istèniu diant poter lograre chin una parlata longa e bene billassata, siat a narrer de nche bocare dae conca sos cuntipitzos anneosos, jeo bi so resessitu a su primu corfu, petzi fachenne sa presentata.
Leave a comment