Bìculos de filosofia #5 (Sos vantos de su machine)

Sèberos de Sarvadore Serra
leados dae s’òpera Sos vantos de su machine (Stultitiae laus)
de Eràsimu de Ròterdam traduida in sardu dae Albino Pau
e publicada dae Condaghes in su 2009.

Justa a s’imbesse, sos machinosos meos sunt grassos, lùchidos, chin sa pedde bene allisata; sunt justa che a sos porcos de Acarnània, comente narant, e a sa secura non diant aer sentore de esser malaidosos pro sa vetzesa, si non si lis diat alligare su male de praticare sa cumpantzia de sos sàvios. De custu non si ne potet facher a mancu, ca sa vita no assolvet a s’òmine una ditzosia secherra.

A custos cussiveros bi potimus annangher una testimonia non de pacu imprastu; b’at unu ditzu connotu dae meta tzente, chi fiantzat chi petzi su machine potet illonghiare sa pitzinnia, casinono si nche diat imbergher in unu patrefìliu, e tenner a largu sa vetzesa disditzata.

E sinnuncas at rejone su pòpulu de antare chin sas brulleddas suas a sa tzente de Brabante. A sos àteros òmines, narant, su etu vatut sa saviesa, in custos imbetze tantu prus creschet su machine, tantu de prus s’acùrtziant.

Lassa unu cummentu

S'indiritzu email tuo no at a èssere publicadu. Is campos pedidos sunt signados *

*

shared on wplocker.com