Bìculos de filosofia #28 (Sos vantos de su machine)

Sèberos de Sarvadore Serra
leados dae s’òpera Sos vantos de su machine (Stultitiae laus)
de Eràsimu de Ròterdam traduida in sardu dae Albino Pau
e publicada dae Condaghes in su 2009.

E sinnuncas, comente diant poter sos òmines in totu sas fainas de sa vita aer remiru pro sa letze de esser cumeditos, si non lis diat dare cara Filaùtia, s’Istimatora, chi apo in cussiveru de sorre, tantu est s’aficu chi bi ponet a mi facher s’ala?

Ma machine prus mannu b’at de istimare e de aer amiru pro sene matessi? De contra, comente potet esser amantiosu, lìchitu, dèchitu chie campat in gherra chin sene matessi? Bòcanche custa issaporiatura de sa vita e as a bider chi s’avocatu chin sas parlatas suas non nch’at a ischitare a sos dormitos, su musicante chin sas suas melodias at a illoddiare a totu cantos, su treatante chin totu sos isamànchios suos at a buscare petzi frùschios, su poeta at a esser fatu a befe impare chin sas Musas suas, su pintore innoriatu paris chin s’arte sua, su dotore reduitu a mortu de gana impare chin sas meichinas suas.

Lassa unu cummentu

S'indiritzu email tuo no at a èssere publicadu. Is campos pedidos sunt signados *

*

shared on wplocker.com