Sèberos de Sarvadore Serra
leados dae s’òpera Sos vantos de su machine (Stultitiae laus)
de Eràsimu de Ròterdam traduida in sardu dae Albino Pau
e publicada dae Condaghes in su 2009.
A sas secus, non s’esistit sòtziu de òmines, non s’esistit cònduma de vita chi resessat a istare, chene mecus, a ispaju e secura. E ne unu pòpulu diat resessire a aguantare a su prìntzipe suo, nen su mere a su tzeracu, nen sa tzeraca a sa mere, nen su mastru a su dischente, nen s’amicu a s’amicu suo matessi, nen sa mutzere a su maritu, nen su mere de sa domo a s’allocateri, nen su sordatu a su cumpantzu in sa tenna de campagna, nen su cumbitatu a su chi l’est a costatzu in sa mesa, si ambos duos non si diant coglionare a pare, non si diant lusingare, non diant tuncare chin saviesa un’ocru e non si diant dare una utzatedda chin su mele de su machine. Ja l’isco chi bos paret un’acreschimòniu, ma n’atzes a intenner àteras peus.
Leave a comment