Sèberos de Sarvadore Serra
leados dae s’òpera Sos vantos de su machine (Stultitiae laus)
de Eràsimu de Ròterdam traduida in sardu dae Albino Pau
e publicada dae Condaghes in su 2009.
O deinos de s’Olimpu! Ite bellas bessitas de pare e àteros contos male peus diant cumbinare, si su domaresu cunfidu tra maritu e mutzere non diat aer alimentu e sustentu in sos vantos, in sas brullas, in su perdonu, in sas trampas, chi sunt totu cumpantzas meas afidiatas?
Ohi, pacubene meu! Pacos cujuvios diant resessire, si s’isposu diat iscuntrobare sos jocheddos chi fiant istatos sos ispàssios, meta tempus antes de su cujuviu, de cudda sua, a su primu parrer, dìlica e casta birghinedda. A sa concruita poi, pacos cujuvios diant aguantare, si pro irbeliatura o tontesa sos maritos non diant tenner contu de sas traitorias de sas mutzeres issoro.
Leave a comment