Bìculos de filosofia #22 (Sos vantos de su machine)

Sèberos de Sarvadore Serra
leados dae s’òpera Sos vantos de su machine (Stultitiae laus)
de Eràsimu de Ròterdam traduida in sardu dae Albino Pau
e publicada dae Condaghes in su 2009.

Pro su restu, custas costumàntzias cuformatas in sos pranzos, de tirare a sorte chin sos dados a su re de sa rebotta, de jocare a cartas, de bier a su bonu proe de custe e de cudde, de facher ziros chin sa matessi tassa, de cantare a tenores, de ballare, de istòrcher a carcunu, no est chi las ant bocatas a campu sos sete sàvios de sa Grèzia, ma mi las apo imbentatas jeo pro sa ditzosia de sos òmines. Totu custas usàntzias ant custa calitate: cantu prus sunt machinosas, tantu de prus metzorant sa vita de sos òmines, ca, si custa diat esser porosa, est làtinu chi non si diat poter narrer vita. Senne de goi diat colare in tristura, si non si nche diat catzare s’irfadu parente suo chin ispàssios che a custos.

Lassa unu cummentu

S'indiritzu email tuo no at a èssere publicadu. Is campos pedidos sunt signados *

*