Bìculos de filosofia #19 (Sos vantos de su machine)

Sèberos de Sarvadore Serra
leados dae s’òpera Sos vantos de su machine (Stultitiae laus)
de Eràsimu de Ròterdam traduida in sardu dae Albino Pau
e publicada dae Condaghes in su 2009.

Si poi una fèmina est in disitzu de aer su cussiveru de pessone sàvia, cheret narrer ch’est fachenne de totu pro esser duas vias maca. Diat esser, comente narat unu ditzu, sa matessi cosa de nche leare unu voe a intro de una palestra, a crepu de sos murruntzos de Pàllade. Adòpiat su vissu suo chie, contra a su naturale suo, si caratzat sa cara chin sa màscara de sa virtute, che canno siet un’imbràstiu de bellesa, e òbricat su naturale suo a facher cosas disvariatas dae cussas ch’est avesatu a facher.

Justa su ditzu de sos Grecos, una mùnica est semper una mùnica, tambene siat bestita chin pintzos de pòrpora, e gai una fèmina est semper una fèmina, siat a narrer una foras de contu, comente siat chi si caratzet. Ma jeo non chèglio creder chi sas fèminas sient goi macas de si l’aer a male chin mecus ca lis so atzibianne custu naturale. Ca, si sas fèminas diant cussiverare vene su chistionu, diant torrare gràtzias a su machine, ca a bi pessare vene sunt prus iscofatas de sos òmines.

Lassa unu cummentu

S'indiritzu email tuo no at a èssere publicadu. Is campos pedidos sunt signados *

*

shared on wplocker.com