Sèberos de Sarvadore Serra
leados dae s’òpera Sos vantos de su machine (Stultitiae laus)
de Eràsimu de Ròterdam traduida in sardu dae Albino Pau
e publicada dae Condaghes in su 2009.
Ma s’òmine est naschitu pro negossare e pro custu tocaiat de lu batijare chin unu tantu de tinu prus mannu de sa misèria de un’untza. Zove, pro custu e totu, justa pro li dare su bastante pro su fatortzu suo de mascru, m’aiat juliatu pro si cussitzare, comente fachet pro onzi bisontzu, e jeo, chen’istare tzincuentanne, l’aia datu unu parrer parinale a mie matessi: siat a narrer chi a s’òmine tocaiat de lu cropare chin sa fèmina.
Custa est un’animale, ja est ischitu, bambu e de pacu tinu, ma chi ifatu suo vatut risu e amaju; issa, bivenne impare in sa domo, deviat chin su machine suo illepiare e indurcare cantu de rude b’at in su naturale de s’òmine.
E difatis canno Pratone in cobertàntzia est in duda ca no ischit in cale issera collocare a sas fèminas, si in cussa chi tenet judissu o in cussa de sas èstias, cheret petzi inditare su machine mannu de sas fèminas.
Leave a comment