Sèberos de Sarvadore Serra
leados dae s’òpera Sos vantos de su machine (Stultitiae laus)
de Eràsimu de Ròterdam traduida in sardu dae Albino Pau
e publicada dae Condaghes in su 2009.
Ma nessune de sos òmines s’est adinnatu de dare ospedatzu a su disterratu. De sos palatzos de sos prìntzipes non ne faeddemas nemancu, ca isse non bi potet colare a curtzu nemancu de passera. Difatis intro de custos palatzos s’afidiata mea Colachia, s’Amajatora, contat bell’e che a su mere, e su contu est chi tra issos duos non b’at acordu prus mannu de su chi b’at tra s’antzone e mariane.
Como chi si nche l’ant bocatu dae pedes, sos deinos si sunt bessitos de su contu chin sos machines, chin unu gustu meta prus mannu, e a beru, justa a su chi narat Omeru, si colant una vita ch’est oignai. E est làtinu, dachi non b’at prus nessune chi los iscòntriet.
Leave a comment