Bìculos de filosofia #12 (Sos vantos de su machine)

Bìculos de filosofia #12 (Sos vantos de su machine)

Sèberos de Sarvadore Serra
leados dae s’òpera Sos vantos de su machine (Stultitiae laus)
de Eràsimu de Ròterdam traduida in sardu dae Albino Pau
e publicada dae Condaghes in su 2009.

Bidenne la setzis a custa, arratza de ghitza ch’at bocatu a sa presentata? Làtinu ch’est Filautia, istimatora de sene matessi. S’àtera chi setzis videnne chin su risu in ocros e a tzocos de manu, si narat Kolakia, sa Lusingatora. Custa àtera sonnita e simitzante a una pessone dormita, si narat Lete, s’Irmènticu. Cust’àtera, a bratzos a ruche e apunteddata a sos cuitales, a nùmene si narat Misoponia, sa Mandronia. S’àtera chi juchet una corona de rosas in conca e est totu utzata de imbràstios, Edonè, su Disaogu. Cudda ch’at sa mirata maltana e istòiga como inoche e como in cuddai, si narat Anoia, s’Irtzelevrata. Cudd’àtera chin sa pedde lùchida e sa carena bene amorfoddata a nùmene l’ant postu Trufè, su Moddiore. Vois setzis bidenne tambene a duos deinos, chi sunt in mesus de sas pitzinnas. A unu li narant Comos, Rebota, a s’àteru Nigreton Ipnon, siat a narrer Sonnu.

Leave a comment

Send a Comment

S'indiritzu email tuo no at a èssere publicadu. Is campos pedidos sunt signados *