S’assòtziu “Senzariserve”, in collaboratzione cun s’Òrdine de sos Psicòlogos de sa Sardigna, cun su sistema de acollièntzia e integratzione de su Comune de Nùgoro, gestidu dae sa cooperativa sotziale onlus “La Carovana”, e gràtzias a su contributu de sa fundatzione “Di Sardegna”, organizat pro su 7 de santandria (dae sas 9 de mangianu a sas 2 de merie) in sa palestra de su Coni, sa de trèighi editziones de su torneu de fùbalu solidale “Un calcio all’esclusione e al pregiudizio” (unu carche a s’esclusione e a su pregiudìtziu).
A su torneu b’ant a pigare parte s’iscuadra de su Dipartimentu de salude mentale de sa Assl de Nùgoro, unu grupu de istudiantes de sas iscolas superiores de Nùgoro e una e benefitziàrios e operadores de su Sai (Sistema de acollièntzia e de integratzione) bènnidos dae Mali, Burkina Faso, Gàmbia, Sènegal, Nigèria, Guinea e Afghanstan.
S’assòtziu “Senzariserve”, fatu dae utentes de su Dipartimentu de Salude mentale de Nùgoro, dae sos familiares issoro, dae operadores sanitàrios e dae tzitadinos comunes, promovet sa salude mentale in su territriu favorende e agiudende sa reabilitatzione e s’inclusione sotziale de sos sugetos isvantagiados pro mèdiu de s’isport e, mescamente, de su fùbalu.
màuru piredda
Leave a comment