S'Evangèliu in sardu. Sa de tres domìnigas de Caresima

S'Evangèliu in sardu. Sa de tres domìnigas de Caresima

gesus1maxresdefault

Sa de III domìnigas de Carèsima

Gesùs no est lòmpidu pro cundennare, ma pro vivificare. Gesùs ischit chi cun s’amore berdaderu est totu possìbile: finas torrare sa vida a is mortos. Gesùs crèet gosi meda in una segunda possibilidade finas pro su pecadore prus rebestu chi a pitzu de sa rughe at a donare su paradisu a su furone chi dd’aiat dimandadu isceti de si regordare de issu.

Dae s’Evangèliu segundu Luca [Lc 13,1-9]

In cussu tempus si presentaiat calicunu e relatait a Gesùs sa noa in contu de cussos Galileos de is cales Pilatu aiat fatu iscùrrere su sàmbene, paris cun cussu de is sacrifìtzios issoro. Pighende sa paràula, Gesùs ddis naraiat: “Creides chi cussos Galileos esserent istados prus pecadores de totus is Galileos, pro àere retzidu cussa sorte? No, bos naro, ma si non bos ais a cunvèrtere, ais a mòrrere totus de sa matessi manera”

O cussas degheoto persones, a pitzu de is cales ruiat sa turre de Sìloe e ddas bochiat, creides chi esserent istados prus reos de totus is vividores de Gerusalemme? No, bos naro, ma si non bos ais a cunvèrtere, ais a mòrrere totus a sa matessi manera.

Naraiat custa paràbula e totu: «Un’òmine aiat prantadu un’àrbure de figu a intro sa bìngia sua e lòmpiat a chircare frutos, ma no nd’acataiat. Tando naraiat a su bingiateri: “Sega.ddu tando! A manera chi si isfrutet su terrinu”». Ma cussu ddi rispòndiat: “Mere, lassa.ddu pro ocannu, finas a cando dd’apo a marrare a fùrriu e apo a pònnere ledamine. Amus a bìdere si at dare frutos pro su benidore; si no, dd’as a segare”».

(rubrica a incuru de Alessandro Dessì)

Leave a comment

Send a Comment

S'indiritzu email tuo no at a èssere publicadu. Is campos pedidos sunt signados *