Nuorese_Calcio-logo-

Su Nùgoro si presentat a su campionadu de “Eccellenza” comente una de sas iscuadras prus fortes. Intro de custa chida diant dèvere èssere comporados siat unu medianu siat unu tzentrale.

E custos s’ant a annànghere a sos giogadores presentados sàbadu passadu: Deliperi (portieri), Frongia (defensore) e Balzano (punta), tres giogadores de importu manu pro s’iscuadra chi ocannu at a allenare Bernardu Mereu.

“Custos giogadores mustrant s’impignu de sa sotziedade pro aprontare un’iscuadra bona” narat su presidente Artedino “non naro pro bìnchere su campionadu, ma nessi pro fàghere unu campionadu che Deus delegheit ”

Balzano est su mègius giogadore de s’Ecellenza de Campània e a lu batire a Nùgoro est unu corfu mannu: sa punta at fatu passa de chentu retes in sos ùrtimos bator campionados, e b’aiat unu muntone de iscuadras chi lu fiant chirchende.

Cuntentu mannu de èssere lòmpidu a Nùgoro su portieri Simone Deliperi: “Sa gana de fàghere unu campionadu bonu b’est, sa seriedade de sa sotziedade est su chi m’at cumbintu a bènnere a inoghe. Nùgoro est unu logu de importu mannu pro su fùbalu in Sardigna”