Su mare faghet bene a sa salude

de Sarvadore Serra

Ischimus totus chi a nche colare tempus in foras de domo faghet bene a su corpus e a sa mente. Ma sos istudiosos narant chi  sa cosa mègius est a andare a mare.

A cussu sensu de paghe e assèliu chi intendides cando nche seis in su mare como li narant “blue space” (ispàtziu asulu). Est su chi sos sientziados narant  a s’efetu  chi sa cumbinatzione  de sos nuscos asseliadores de sa praja e de sos sonos de s’abba  tenet in su cherbeddu bostru. S’ispàtziu asulu resessit a fàghere istare bene in una casta de manera ipnòtica.

Cando bos intendides rilassadu in logu de mare, no est petzi un’impressione de sa mente bostra. Sa sièntzia narat chi b’at unu cambiamentu in sa manera chi su cherbeddu bostru  reagit a s’ambiente, lassendeˑbos  cuntentos e prenos de energia.

In generale, custu ispàtziu asulu òperat in 4 maneras diferentes.

  1. A andare a mare mìnimat s’istress

S’abba est una cura naturale pro chie est in anneu. Est prena de jones positivos, chi faghent istare mègius. Duncas,  si bos ponides a nadare  o si petzi ponides sos pòddighes in abba, de seguru bos ais a intèndere rilassados. Est una manera de megiorare s’umore chi fatu fatu si nde podet bogare profetu!

  1. A istare in sa praja megiorat sa creatividade bostra

Non resessides prus a èssere creativos? Sos sientziados como pensant chi su remèdiu est a andare a mare. A istare in un’ispàtziu asulu agiuat a crarire sas ideas, a parare fronte a sos problemas,  a disinnare progetos in una manera prus creativa. Comente cando unu est in meditatzione, a istare in sa praja dat unu sensu de calma  che permitit de si pònnere in sintonia cun s’ambiente  e a sebertare sas cosas de focalizare.

  1. A andare a mare agiuat contra a sa depressione

Comente faghet efetu bonu cando unu est anneadu o li mancat sa creatividade, gasi etotu a istare in sa praja agiuat si unu est depressu. Su sonu ipnòticu de sas undas, cumbinadu cun  sa mirada  e sos nuscos de sa praja, bos podet pònnere in un‘ispàtziu meditativu. In prus, podides crarire sa mente bostra  e riflètere in sa vida in unu logu  seguru  a largu dae su burdellu de sa vida de cada die

  1. In generale, a colare tempus in su mare at a cambiare sa prospetiva bostra de sa vida

E cussa prospetiva at a cambiare in mègius! S’ambiente in generale est istadu semper unu fatore chi agiuat a tènnere una vida sana e ditzosa.  Ma sa praja in particulare faghet bene a s’ànima.

Ligàmene: http://mysticalraven.com/health/9646/neuroscientists-strongly-recommend-that-you-visit-the-beach-regularly-heres-why

Lassa unu cummentu

S'indiritzu email tuo no at a èssere publicadu. Is campos pedidos sunt signados *

*