Àtera manifestatzione de protesta de sos pastores sardos, apretados dae sa blue tongue, sa pesta chi est isperdende una muda de berbeghes in Sardigna.
Unos chentu pastores ant arressu sa colada in su caminu istatale 130 acanta a su bìviu de Silibba, in s’ala de Casteddu, a sa fine de una riunione comintzada in s’istàbile de su monte granàticu.
Sa protesta, chi at postu impitzos a su tràfigu, est durada una mesora. Una faian pro si fàghere intèndere, sa de su Movimentu de sos pastores sardos, pro pònnere a craru una bia in prus sa chistione de sa pesta de sa blue tongue.
Non b’at àpidu avolotu perunu, ma tocat galu de a gherrare: sos pastores s’ant a torrare a imbènnere custas dies in s’ala de Nùgoro, in antis de ghetare totu pìnnigos a Casteddu. In s’assemblea b’aiat pastores meda e finas persones chi tenent in simpatia su movimentu.
S’arresonu printzipale fiat su de blue tongue: sos pastores narant chi, mancari sa Regione apat asseguradu chi s’est moende, sunt galu meda sas peleas de mediare.
Comintzende dae sa vatzina. Ite pedint sos pastores: dae deretu una cummissione de espertos chi istiment totu sos dannos chi custa pesta at cajonadu.