Franco Siddi, presidente de sa FNSI pro totu s’istadu italianu, at pedidu unu canale digitale de sa RAI pro s’amparu de s’identidade “ispetziale” e de sas minorias linguìsticas in Sardigna. L’at fatu sas dies coladas in ocasione de una manifestazione de s’Ugisrai, sindicadu de sos giornalistas de s’emitente pùblica, in Casteddu.
Siddi, naschidu in Samassi, est sa càrriga prus arta in Itàlia intro sa categoria de sos giornalistas sindacalizados. Dae semper est un’amigu de sa limba sarda e faeddat unu bellu sardu a sa manera de sa bidda sua. Antis de intrare in sa Fnsi traballaiat in su giornale “La Nuova Sardegna”, in sa redatzione de Casteddu.
