Serafina Mascia presidente de sa FASI

Cun 252 votos intre 274 chi ant votadu, Serafina Mascia at balangiadu sa càrriga de presidente de sa Fasi, sa federatzione de sos cìrculos de sos emigrados in Itàlia. Leat s’iscanu a Tonino Mulas chi dae sa matessi assemblea est istadu proclamadu presidente onoràriu, mentres Filipu Sòtgiu (leader istòricu) est como presidente “emèritu”.

In su grandu cunvegnu de Abano Terme, chi s’est organizadu chida colada, sunt istados seberados finas sos visupresidentes Antonello Argiolas (coordinadore de sos cìrculos de sa Lombardia) e Maurizio Sechi (animadore de sos giòvanos). Sa ghirada in colore “rosa” pro s’eletzione de Serafina Mascia fiat giai in s’isetu de medas e cando si sunt contados sos votos nemos s’est ispantadu.

“Amus a fàghere logu pro sas fèminas e sos giovanos – at naradu sa presidente Mascia – pro chircare de nde bogare energias noas cun unu mundu chi cheret semper de prus arresonare cun sa Regione ca semus a tretu de dare agiudu a manera profetosa”.

Leave a comment

Send a Comment

S'indiritzu email tuo no at a èssere publicadu. Is campos pedidos sunt signados *