S’assessore Raffaele Paci at naradu chi nono in Cussìgiu Regionale a su sardu in iscola pro s’annu 2014-2015. Est acadèssidu carchi die a como in s’àula ‘natzionale’ de arruga de Roma in s’ìnteri de s’aprovatzione de s’assestamentu de bilàntziu.
Pro la nàrrere in curtzu, s’assessore a sa programatzione de sa giunta Pigliaru at fatu votare sa magioràntzia contra un’emendamentu de su capugrupu sardista Christian Solinas chi cheriat torrare a ammerare su capìtulu de su sardu veiculare in iscola. Difatis su càpitulu chi finàntziat s’imparu iscolàsticu de su sardu (lege 3 de su 2009) in sa finantziària Cappellacci 2014 fiat abbarradu sena nudda. Bòidu, non s’est mai cumpresu su pro ite e su comente. Ca Milia e Cappellacci l’aiant semper sustènnidu. Però in su 2014 si nde sunt ‘ismentigados’.
Sende chi duncas sa neghe prus manna pro custa farta est de su tzentrudereta, b’aiat totu su tempus, dae sas eletziones de freàrgiu a oe, pro su tzentrumanca de torrare a pònnere carchi èuro in una lìnia de gastu importante de sa polìtica linguìstica. Prus e prus ca, custu guvernu regionale, pro buca de s’assessora de s’istrutzione pùblica Claudia Firino, at semper naradu chi est in favore a s’avaloramentu de su sardu in iscola. Antzis, ca su sardu depet èssere avaloradu mesches in iscola.
In tames, cando sas propostas de assestamentu sunt essidas a craru, a banda totu cussu chi s’est mutzadu, s’est averguadu chi, dae su guvernu regionale, non b’aiat propostas de ammeramentu de su dinare pro su sardu iscolàsticu. E tando, faghende bene, sos sardistas (chi no aiant votadu s’ùrtima finantziària de Cappellacci) dae sas cadreas de sa minoria, ant presentadu una modìfica de sa lege de assestamentu cun 500 mìgia èuros pro s’insinnamentu de sa limba sarda.
In su mentres de sos traballos parlamentares de s’àtera die, Solinas si nd’est pesadu e at ammentadu a sa giunta custu problema. Paci l’at respostu de non si pònnere pistighìngiu ca si fiat informadu e chi s’assessora Firino l’aiat naradu chi in su capìtulu b’aiat resùgios bastantes finas pro finantziare sos progetos de ocannu. E chi custos resùgios sunt ‘manovràbiles’ pro garantire su sardu curricolare in forma veiculare pro ocannu.
Chie connoschet s’andamentu de su bilàntziu e de sos capìtulos non podet crèere a custa cosa ca est tecnicamente impòssibile sende chi su capìtulu fiat a zero de cumpetèntzia cun sa finantziària 2014 e s’istantziamentu nou podet intrare cun s’assestamentu ebbia. Sos resùgios non sunt ‘manovràbiles’ ca non sunt rimanèntzias, ma dinare giai impignadu e gastadu a favore de sas iscolas pro su 2013/14 chi depet èssere licuidadu. Est impòssibile chi Firino apat naradu una cosa gasi, nen chi sos ufìtzios l’apant cussigiada a lu nàrrere. Sos resùgios chi bi sunt de seguru sunt cussos de su 2013, giai impreados e non pagados ca sas iscolas no ant rendicontadu o pro more su patu de istabilidade. Sos progetos sunt istados totus fatos.
Siat comente si siat, su resurtu de totu custu (sena mancu gana meda de fàghere polèmica) est chi pro ocannu 2014/15 non s’ant a fàghere progetos de sardu veiculare in iscola. E su dannu est mannu meda. Cun totu su traballu chi b’at chertu pro fàghere su sardu in oràriu curricolare. Discuidu? Isbèliu? Trampa? Incumpetèntzia? Istrubbos normales de càmbiu polìticu?
Pro averguare sas paràulas de Paci bastat a isetare duos meses. Si su bandu essit tenet resone issu, si nono…
De chie est sa neghe? Amus mai a torrare a cuberare su chi semus perdende in custos meses? Sos letores pensent su chi cherent e lis cumbenit.
Verbale de su dibàtu in Cussìgiu Regionale
Ha domandato di parlare il consigliere Christian Solinas. Ne ha facoltà.
SOLINAS CHRISTIAN (PSd’Az). Sì, Presidente, resta in mezzo anche, a pagina 543, l’emendamento numero 1153, che è a firma del Gruppo sardista e che riguarda gli interventi per il sardo veicolare nelle scuole. Non è ritirato, anche perché…
PRESIDENTE. Sì, certo non può essere ritirato dall’onorevole Rubiu ovviamente.
SOLINAS CHRISTIAN (PSd’Az). …anche perché era uno di quegli emendamenti – se posso – oggetto di interlocuzione sia con la maggioranza che con la Giunta perché la nostra preoccupazione è che diversi lustri di politiche linguistiche e tutte le sperimentazioni già avviate e le risorse già spese all’interno delle scuole per l’utilizzo del sardo veicolare da questo anno scolastico non vadano perdute. Siccome è stato un investimento fatto negli anni da tutte le Giunte che si sono succedute, chiederemo di poter confermare l’avvio del sardo veicolare in quest’anno scolastico con uno stanziamento che sia consono a coprire i mesi che mancano, per poi riaffrontare il tema in sede di finanziaria dando copertura al resto dell’anno scolastico. Quindi se abbiamo una risposta ora oppure la possibilità di mandarlo in coda all’articolo 2 per poterlo sviluppare meglio.
PRESIDENTE. Ha domandato di parlare l’Assessore della programmazione, bilancio, credito e assetto del territorio. Ne ha facoltà.
PACI RAFFAELE, Assessore tecnico della programmazione, bilancio, credito e assetto del territorio. Era solo per dare assicurazioni. Ho parlato con l’assessore Firino e i corsi possono partire, come previsto, già da quest’anno accademico perché ci sono residui sui quali poter intervenire.
PRESIDENTE. Ha domandato di parlare il consigliere Solinas Christian. Ne ha facoltà.
SOLINAS CHRISTIAN (PSd’Az). Naturalmente accolgo l’intervento dell’assessore Paci a nome della Giunta, non ho motivo di dubitarne. La pregherei, Assessore, di verificare con estrema attenzione che i residui non siano a copertura delle attività già svolte negli anni scolastici che si sono susseguiti e che quindi non siano impegnabili per l’anno scolastico in corso. Però, con la sua precisazione che sui residui si può attivare fin da quest’anno il corso, ritiro l’emendamento.
Leave a comment