In intro de s’aparitzu de sa de 11 Mustra de su Libru in Sardigna, chi s’at a fàghere in sa tzitade de Macumere (NU), in sas dies dae su 20 a su 23 de su mese de santugaine 2011, s’Ufìtziu de sa limba sarda de sa Provìntzia de Nùgoro at ammaniadu atividades in limba sarda che a laboratòrios de iscritura creativa e giogos.
Sas Iscolas chi sunt interessadas e sos babos e sas mamas chi ant idea de fàghere partetzipare sos pitzinnos e sos fìgios a sas atividades depent giamare a su nùmeru de telèfonu 0785/790856 (Biblioteca Comunale de Macumere) pro si che prenotare, mentras pro sas àteras atividades si che podent iscrìere puru in antis de su comintzu de sos giogos.
Custu est su calendàriu de sas atividades chi ant a èssere fatas dae sos operadores de s’Ufìtziu Limba Sarda de sa Provìntzia in sas dies de sa Fiera de su Libru 2011:
Giòbia 20 de santugaine 2011 asas oras 17.00, Letura animada in sardu, pro sos pitzinnos chi ant dae sos 8 a sos 12 annos de edade, in su “Padiglione Castagna”- Biblioteca, in sa Carrera de Ariosto.
Chenabùra 21 de santugaine 2011, a sas oras 9.30 e a sas oras 11.30, Laboratòrios de Iscritura Creativa in s’Iscola Elementare de sa Carrela de Roma, Aula Manna de sa Carrela de Genova; a sas oras 16.00, “Giogamus in sardu” , pro sos pitzinnos chi ant dae sos 6 a sos 12 annos de edade, in s’Area Fieristica de sas ex Casermas “Mura” , in su Padiglione “Succoronis”, in s’Istrada pro Santu Lussurgiu (Carrela de Gramsci).
Sàbadu 22 de santugaine 2011, a sas oras 9.30 e oras 11.30, Laboratòrios de Iscritura Creativa e giogos pro pitzinnos in s’Iscola Elementare de sa Carrela de Roma, Aula Manna de sa Carrela de Genova.
Domìniga 23 de santugaine 2011, a sas oras 11.30, “Giogamus in sardu” , pro sos pitzinnos chi ant dae sos 6 a sos 12 annos de edade, in s’Area Fieristica de sas ex Casermas “Mura” , in su Padiglione “Succoronis”, in s’Istrada pro Santu Lussurgiu (Carrela de Gramsci).
Leave a comment