Est istada una renèssida a sa fidada petzi pro chie non connoschiat s’organizatzione de sa Festa. In realtade pro su Coordinamentu pro su Sardu Ufitziale su chi est capitadu sabadu 24 e domìniga 25 cabudanni fiat isetadu. Gente meda, programma cualificadu, atentu de sos mèdia, partetzipatzione polìtica, profetu isparghinadu. Una die de no ismentigare a beru. Meda mègius de Sèdilo 2014 e fintzas de Oschiri 2015, chi puru fiant andadas bene meda. Meressimentu de su diretivu CSU chi est renèssidu a fàghere sas alleàntzias giustas pro valorizare sas propostas suas. Ma finas de su diretore artìsticu Giuseppe Pepe Coròngiu chi non s’est de seguru resparmiadu. E custu mancari chi b’apat àpidu tentativos de boicotàgiu, malas paràulas e disfamidades vàrias cun sìngulos e grupos in chirca semper de isolare s’organizatzione natzionalitària chi est renèssida imbetzes a batire a sa Festa de sa Limba Ufitziale de ocannu 7-800 persones in duas dies.
E custu mancari chi su tempus esseret istadu unu pagu metzanu e s’impiantu eletrìcu de su tzentru Su Lare in Bonàrcadu apat tentu problemas pro more de unu raju faladu in s’ìnteri de un’ira de abba chi faghiat a tìmere. Ma, coladu su perìgulu, sos traballos sunt andados a in antis su matessi. Antzis a nàrrere sa beridade non si sunt frimmados mancu in mancàntzia de lughe.
A sa fine partetzipatzione manna finas de polìticos e intelletuales e profetu pro totu su movimentu linguìsticu, non petzi pro su CSU. De importu particulare sas arresonadas chi ant fatu Renato Soru, Anthony Muroni e Franciscu Sedda. Sunt istados ospitados finas relatores linguìsticos cun una lìnia polìtica diferente pro ite est pretzisu a si cunfrontare cun totus.
Su CSU ringràtziat totus sos assòtzios chi ant collaboradu e mescamente su CNR de Pisa e Su Condaghe de Bonàrcadu. Pensamus chi sos resurtos de sa Festa faeddent a sa sola e chi non nde balet sa pena mancu de batallare. Est comintzada una fase noa pro su Movimentu Linguisticu in ue gerarchias intelletuales e culturales sunt de torrare a bìdere. Nemos difatis resesset a mobilitare sa gente comente su CSU.
Publicamus inoghe pro como unas cantas fotografias e posca amus a torrare a contare bene sas duas dies.
ALBUM DE UNAS CANTAS FOTOS (las ponimus a pagu a pagu)
Una bella festa de importu MANNU pro sa Limba
Duas dies dde bella discussione zente attenta, interessada e dde bona cumpantzia.
Ateros annos MENTZUS.
Bonas Tardas a totus
So meda ipadu (orgoglioso) dae sa renèssida de Bonàrcadu pro su C.S.U e a totu sos faghidores de su C.S.U. fatzo sos parabenes prus mannos pro su traballu de profetu. In una gherra naraiat Mao Tze Tung cheret a faghere in manera de mantennere sas fortzas e de aere sas pèrduas prus pitzocas cara a s’inimigu. Su C.S.U. custa fia at demostradu in Bonàrcadu fintzas de aere ismanniadu sas fortzas suas. Su C.S.U. est cumintzende a faghere massa crìtica cun sos catalanos e cun sos corsos, ca badde no s’ischit ca facebook in sardu est istadu asotadu (sollecitato) e at cumintzadu cun s’imberta (spinta) de sos corsos.
Chèrgio annanghere un’àteru argumentu ca su grupu de “De Benedetti” cheret bendere o intregare a pesone (in affitto) su diàriu sa “Nuova”. Proite non si nde faeddat cun Adel Pitarc s’ “imbassadore” e curadore de afares catalanos in s’Alighera si est possìbile chi la pighet a pesone “El Punt” (su diariu de Bartzellona in limba catalana) a sa “Nuova”e nde fatzat unu diàriu cun una crònica in italianu pro sos afares natzionales italianos, in sardu LSC pro sos afares de s’ìsula sarda e de sa Regione sarda, in corsu pro s’ìsula corsa e pro sa Coletividade corsa, in frantzesu pro sos afares natzionales frantzesos, in catalanu pro sa tzitade de s’Alighera o sinduca meda prus de verteri (realisticamente) petzi in sardu, catalanu e italianu. Sigungu me diat balangiare meda unu diariu fatu gosi in tres limbas e si diat podere sustennere economicamente e diat essere un’iscrombe (ocasione) pro dare traballu a sos giobanos espertos de Limba Sarda Comuna chi cherent faghere sos periodistas. Intamas (inoltre) sos periodistas de sa Nuova ant fatu unu comunicadu a pustis de s’istragu (sciopero) issoro in ue si ghessaiant contra a su mere proite ca “Sa Nuova” la diant aere cherta comente diàriu prus presu a sa Sardigna fintzas in tèrmines de identidade.
Saludos Corales
E.C. Saludos Corales
Gratzias, azis fatu una grande cosa. Ajuadenos a ammentare sa Limba nostra onzi die.
mi fit piaghidu a b’esser de persona ma, pro su mamentu nde so impididu. Bos sigo semper e fato sos aguros pius mannos de resessire in su progetu chi amus a coro totu sos sardos
A totu cussos sardos chi cando li namus chi bi cheret unu sardu iscrittu, uguale pro totus,nos naran chi emmo ma pustis serran s ‘ arrejonu nande E CALE SARDU ?
Custa esta de su sardu uffitziale dai a bidere chi su bisonzu de una limba iscritta est mannu!
A totu cussos sardos chi cando lis namus chi bi cheret una limba iscritta, chi siat uguale pro totus, tancan s’ arrejonu nande:
e cale sardu sincundu tene?
Sa esta de sa limba sarda uffitziale chi resessit a fachere azoviare a Bonarcado totu custa zente dai totu sa Sardinna, est sa risposta a cussa dimanda chi si ponen sos sardos dubbiosos.
Una bella festa de importu MANNU pro sa Limba
Duas dies dde bella discussione zente attenta, interessada e dde bona cumpantzia.
Ateros annos MENTZUS.
Bonas Tardas a totus
So meda ipadu (orgoglioso) dae sa renèssida de Bonàrcadu pro su C.S.U e a totu sos faghidores de su C.S.U. fatzo sos parabenes prus mannos pro su traballu de profetu. In una gherra naraiat Mao Tze Tung cheret a faghere in manera de mantennere sas fortzas e de aere sas pèrduas prus pitzocas cara a s’inimigu. Su C.S.U. custa fia at demostradu in Bonàrcadu fintzas de aere ismanniadu sas fortzas suas. Su C.S.U. est cumintzende a faghere massa crìtica cun sos catalanos e cun sos corsos, ca badde no s’ischit ca facebook in sardu est istadu asotadu (sollecitato) e at cumintzadu cun s’imberta (spinta) de sos corsos.
Chèrgio annanghere un’àteru argumentu ca su grupu de “De Benedetti” cheret bendere o intregare a pesone (in affitto) su diàriu sa “Nuova”. Proite non si nde faeddat cun Adel Pitarc s’ “imbassadore” e curadore de afares catalanos in s’Alighera si est possìbile chi la pighet a pesone “El Punt” (su diariu de Bartzellona in limba catalana) a sa “Nuova”e nde fatzat unu diàriu cun una crònica in italianu pro sos afares natzionales italianos, in sardu LSC pro sos afares de s’ìsula sarda e de sa Regione sarda, in corsu pro s’ìsula corsa e pro sa Coletividade corsa, in frantzesu pro sos afares natzionales frantzesos, in catalanu pro sa tzitade de s’Alighera o sinduca meda prus de verteri (realisticamente) petzi in sardu, catalanu e italianu. Sigungu me diat balangiare meda unu diariu fatu gosi in tres limbas e si diat podere sustennere economicamente e diat essere un’iscrombe (ocasione) pro dare traballu a sos giobanos espertos de Limba Sarda Comuna chi cherent faghere sos periodistas. Intamas (inoltre) sos periodistas de sa Nuova ant fatu unu comunicadu a pustis de s’istragu (sciopero) issoro in ue si ghessaiant contra a su mere proite ca “Sa Nuova” la diant aere cherta comente diàriu prus presu a sa Sardigna fintzas in tèrmines de identidade.
Saludos Corales
E.C. Saludos Corales
Gratzias, azis fatu una grande cosa. Ajuadenos a ammentare sa Limba nostra onzi die.
mi fit piaghidu a b’esser de persona ma, pro su mamentu nde so impididu. Bos sigo semper e fato sos aguros pius mannos de resessire in su progetu chi amus a coro totu sos sardos
A totu cussos sardos chi cando li namus chi bi cheret unu sardu iscrittu, uguale pro totus,nos naran chi emmo ma pustis serran s ‘ arrejonu nande E CALE SARDU ?
Custa esta de su sardu uffitziale dai a bidere chi su bisonzu de una limba iscritta est mannu!
A totu cussos sardos chi cando lis namus chi bi cheret una limba iscritta, chi siat uguale pro totus, tancan s’ arrejonu nande:
e cale sardu sincundu tene?
Sa esta de sa limba sarda uffitziale chi resessit a fachere azoviare a Bonarcado totu custa zente dai totu sa Sardinna, est sa risposta a cussa dimanda chi si ponen sos sardos dubbiosos.