“Semus a su 50% de su traballu chi tocat a fàghere” at naradu su diretore de su Servìtziu Limba e cultura Sarda Pepe Coròngiu, concruende sos traballos de sa de 7 cunferèntzias de sa Limba Sarda chi ocannu s’est cumprida in Agghju, in Gaddura.
“Como est s’ora de cumentzare sa polìtica linguìstica a beru, bi l’amus fata a mudare su chi pensat sa gente de su sardu, ma b’amus galu tretu meda de fàghere, totu paris podimus” at serradu semper Coròngiu, ammentende su caminu chi est galu longu, ma chi unu bellu cantu, nch’est belle che fatu.
Duas dies de istùdiu, de cunfrontu, de abertura e de ispera, sas de sa de sete cunferèntzias, chi sunt prevìdidas dae su pranu triennale cumentzadas prima die de Nadale cun s’ addòbiu de soschi cuntipigiant su teatru a parte de mangianu e sos prèmios literàrios a borta de die, e at faeddadu finas s’assessore Sergio Milia, chi at reconnotu s’importu de sa chistione linguìstica, pedende a su movimentu linguìsticu de aprontare propostas, e assegurende s’impinnu de sa banda polìtica, pro chi siet asseguradu su sustentamentu, gasi ideològicu, e gasi econòmicu.
E su movimentu, su cras, at rispostu, dende pòrrogas de unas cantas genias: dae rechestas de formatzione, a un’annoamentu econòmicu de sa chistione linguìstica, sena ismentigare su traballu fatu: e presentende·si aunidu cara a s’ala polìtica.
Su chi est a ogros de totu, est chi pro bortare in mègius sa polìtica linguìstica est netzessidu una crèschida de sos finantziamentos, ma finas una crèschida de professionalidade: in cada àmbitu: dae s’amministratzione pùblica e mescamente in s’iscola, pro bìdere su sardu comente una limba normale.
E sa gente lu cheret: est ora de l’acuntentare.