S'Evangèliu de oe in sardu: "Su Diàulu tentat a Gesus"

Gesùs est s’Adamu nou abbarradu fidele, mentras su primu òmine si fiat intregadu a sa tentatzione. Gesùs realizat in dd’una manera perfeta sa vocatzione de Israele: a s’imbesse de cuddos chi in su tempus passadu aiant provocadu a Deus durante is barant’annos in su desertu (cfr. Sal 95, 10), Cristos mustrat Isse matessi comente su tzeracu de Deus chi ponet mente a sa voluntade divina. Aici Gesùs at bìnchidu su dimòniu: issu at acapiadu s’òmine forte pro torrare a ddi pinnigare sa fura (cfr. Mc 3,27). Sa bìnchida de Gesùs contras a su tentadore in su desertu antitzipat sa bìnchida de sa passione, summa obbedientzia de s’amore filiale suo pro su Babbu.

(dae su Catechìsimu de s’Ecclesia Catòlica, n. 593)

I dominiga de carèsima

Dae s’Evangeliu segundu Luca [Lc 4,1-13]

In cussu tempus, Gesùs, prenu de Ispìritu Santu, s’istesiaìat dae su Giordanu e fiat ghiadu dae s’Ispiritu in su desertu, pro baranta dies, e fiat tentadu dae su dimòniu. Non papaiat nudda in cussas dies, ma cando fiant acanta acabadas, ddi pigaiat meda su fàmine. Tando su dimòniu ddi naraiat. “Si tue ses su Fìgiu de Deus, nara a custa pedra de si fàghere pane”. Gesùs ddi arrispundaiat. “Est iscritu: “Non de pane isceti at a bìvere s’omine”.

Su dimòniu ddu ghiaiat in artu, ddi mustraiat totu in una totu is rennos de sa terra e ddi naraiat: T”’apo a donare totu custu poderiu e sa glòria issoro, ca a mie est istada donada e deo dda dono a is chi chèrgio deo. Duncas, si t’as a istèrrere in adoratzione innantis a mie, totu custu at a èssere tuo”. Gesùs ddi arrispundaiat: Est iscritu: “Su Sennore, Deus tuo, as a adorare: a Isse isceti as a rendere cultu”.

Ddu ghiaiat a Gerusalemme, ddu poniat in su cùcuru de su templu e ddi naraiat: «Si tue ses su Fìgiu de Deus, gheta-die a suta dae inoghe; est iscritu difatis: “A is ànghelos at a cumandare in contu tuo a manera chi issos ti poderent”; e puru: “Issos t’ant a giùghere in is manos issoro a manera chi su pe tuo no imbrunconet in una pedra”. Gesùs ddi respundaiat. Est istadu nadu: “No as aprontare su Sennore Deus tuo”.

Apustis àere acabadu onni tentatzione, su dimòniu s’istesiaiat dae Isse finas a su momentu istabbilidu.

(rubrica a incuru de Alessandro Dessì)