Evangèliu segundu Mateu (5, 20-22a.27-28.33-34a.37)

1 Evangèliu segundu Mateu (5, 20-22a.27-28.33-34a.37)In cussu tempus, Gesùs naraiat a is discìpulos suos: «Deo bos naro: si sa giustìtzia bostra no at a èssere prus manna de sa de is iscribas e de sa de is fariseos, no ais a intrare in su rennu de is chelos.

Ais intèndidu chi ddis aiant naradu, a is antigos: “No as a ochire; su chi at a àere ochidu at a èssere sutapostu a su giudìtziu”. Deo imbetzes bos naro: chie si siat si ferenat contra de su frade suo at a èssere sutapostu a su giudìtziu.

Ais intèndidu chi aiant naradu: “No as a cummìtere amigàntzia”. Deo imbetzes bos naro: chie si siat càstiat a una femina pro dda disigiare, at a àere giai cummìtidu pecadu in su coro suo.

Ais finas intèndidu chi ddis aiant naradu, a is antigos: “non as a giurare de manera farsa, ma as a acumprire a bia a su Sennore a is giuramentos tuos”. Deo imbetzes bos naro: non giurade in nudda. Siat imbetzes sa manera de faeddare bostra: “eja eja”, “nono nono”, ca su chi istat in prus, lompet dae su Malu.

(a incuru de Alessandro Dessì)

Lassa unu cummentu

S'indiritzu email tuo no at a èssere publicadu. Is campos pedidos sunt signados *

*

shared on wplocker.com