Su Cuncordu femininu Urisè in Bartzellona

Martis chi benit, 11 de trìulas, S’Assòtziu de sos Sardos in Catalugna, in Carrer Bisbe Laguarda 9 – Bartzellona, a sas 19:30h, bos cumbidat a un’aperitivu in mùsica, cun su Cuncordu femininu Urisè, de Orosèi. 

Su Cuncordu Urisè naschet in maju de su 2009, a òpera de sa  diretora atuale  Daniela Contu. Gràtzias a sa professionalidade, a sa passèntzia e a s’entusiasmu de sas pitzinnas de su cuncordu, esordit in su 2010 in sa festa de Sant’Antoni de Maju, ammirada dae  totu sos ispetadores presentes. Sighit cun àteras presentatziones de sa mùsica sua a inghìriu de sa Sardigna e arribbant sos primos reconnoschimentos, comente cuddu retzidu in Sarule in ocasione de sa IV editzione de su Prèmiu Vadore Sini. 

Su Cuncordu Urisè at a èssere in vìsita finzas in  Lloret de Mar, pro leare parte in su Fèstival Folk Mundoculturas . 

S’isperu est chi andet gente meda, pro brindare a s’istiu, a sa mùsica de Sardigna, in rosa. 

Pro nd’ischire de prus:  http://www.corofemminileurise.it/

Lassa unu cummentu

S'indiritzu email tuo no at a èssere publicadu. Is campos pedidos sunt signados *

*

shared on wplocker.com