Paz, osservende su clima cun su satèllite

de Sarvadore Serra

1 proja e satèllitePro sa prima borta ant a medire sos profilos verticales de sas projas mannas.  Ant a impitare  sos singiales  trasmissos  dae su satèllite Paz.  In custa manera ant a megiorare  sas previsiones  meteorològicas e climàticas.  L’at fatu ischire, cun unu comunicadu,  s’ “Institut d’Estudis Espacials de Catalunya” (IEEC).

S’esperimentu at a cumintzare in s’agabbu de su 2017. At a cunsìstere in unu mètodu nou de mesura. L’at cuntzepidu e ghiadu  s’ “Institut de Ciències de l’Espai” de su  “Consell Superior d’Investigacions Científiques” e de  su IEEC (HISSI-CSIC/IEEC), chi s’agatat in su campus de s’Universitade Autònoma de Bartzellona (UAB).

Su tzentru de sa  Nasa  ‘Jet Propulsion Laboratory‘ (Nasa/JPL) at dadu s’amparu a s’esperimentu , e at a agiuare in sos istùdios sientìficos relatzionados cun su cuntzetu nou de mesura.

Si custa tècnica cunfirmat sa validade sua, at a permìtere de caraterizare sas istruturas  de proja intensa in pare  a sas propiedades suas  termodinàmicas –pressione  e temperadura–, megiorende  sa connoschèntzia, su modellamentu  e sa previsione  de s’evolutzione  de custa casta  de fenòmenos in sa prospetiva  de su cambiamentu climàticu.

Como no est possìbile a fàghere custa casta de mesuras cungiuntas  cun un’istrumentu ebbia.  Duncas sos fenòmenos de  proja  intensa non sunt cumpresos e rapresentados bene in sos modellos  de meteorologia e clima.

S’impresa responsàbile de su satèllite PAZ, Hisdesat, at annuntziadu un’acordu  cun s’impresa  SpaceX pro su lantzu de su satèllite, chi est prevìdidu pro s’ùrtimu trimestre de su 2017. Sos datos de s’esperimentu  ant a èssere disponìbles pagos meses a pustis.2 proja

Ligàmene: http://www.vilaweb.cat/noticies/un-experiment-espacial-catala-mesurara-per-primera-vegada-la-pluja-intensa-des-dun-satellit-2/

Lassa unu cummentu

S'indiritzu email tuo no at a èssere publicadu. Is campos pedidos sunt signados *

*

shared on wplocker.com