Oe su Mali festat s’indipendèntzia (reghente)

independennce-daySu 22 de cabudanni est sa Die de s’indipendèntzia de su Mali. Custa festa natzionale cumèmorat s’indipendèntzia de custa natzione dae Frantza e sa Costitutzione de sa Repùblica de su Mali in su 1960.

Su Mali est una terra cungiada dae àteros territòrios in s’Àfrica Otzidentale. Sa Frantza l’at colonizada in su 1892. Custa colònia teniat su nùmene de Sudàn frantzesu e fiat amministrada comente parte de sa Federatzione de s’ Àfrica otzidentale frantzesa. Sos frantzesos ant otentu unu controllu firmu de s’àrea in su 1905. In su 1958 l’ant postu su nùmene de Repùblica Sudanesa e l’ant garantidu una autonomia interna cumpleta, cun s’unione cun sa Comunidade frantzesa.

In su 1959 su Senegal e sa Repùblica sudanesa ant formadu sa Federatzione de su Mali. Su 20 de làmpadas de 1960, sa Federatzione est devènnida cumpletamente indipendente dae Frantza. Duos meses a pustis su Senegal s’est retiradu dae sa Federatzione de su Mali.

Su 22 de cabudanni de su 1960 sa Repùblica sudanesa at otentu s’indipendèntzia comente Repùblica de su Mali. Su primu ministru de sa Federatzione de su Mali Modibo Keïta est devènnidu su primu presidente de su Mali.

mali-flagDa die de s’indipendèntzia si festat in totue. B’at discursos pùblicos, depositziones de coronas, paradas, rapresentatziones. Sa tzelebratzione prus manna est in sa capitale Bamako. Sa Die de s’indipendèntzia est sa festa natzionale de su Mali.

Ligàmene: https://anydayguide.com/calendar/2500

Lassa unu cummentu

S'indiritzu email tuo no at a èssere publicadu. Is campos pedidos sunt signados *

*

shared on wplocker.com