In Sardigna, su matessi patrimòniu genèticu de 12.000 annos a como

In Sardigna, su matessi patrimòniu genèticu de 12.000 annos a como

– de Sarvadore Serra –

Unu grupu internatzionale de traballu, chi nde faghent parte istudiosos de s’Universidade de Pavia, de su CNR e de s’Istitutu de Chirca Genètica e Biomèdica de Paùli, at iscobertu chi in sa populatzione sarda moderna b’est galu s’ADN (àtzidu deossiribonuclèicu) de populatziones antigas de cassadores e collidores chi ant vìvidu in s’ìsula  12.000 annos  a como.  Est un’imbènnida istraordinària, chi mustrat  cantu est ùnicu su patrimòniu genèticu de sos abitadores de Sardigna. Est dae annos chi sunt mandende a in antis custos istùdios, faghende cumprèndere cosa meda de sas orìgines e de sos istesiamentos de unas cantas tzivilidades europeas.

Fintzas a oe si pensaiat chi sas primas comunidades de massajos, lòmpidas dae levante e dae ponente intre  8.000 e i 12.000 annos a como, nch’aerent bogadu sas populatziones antigas  de collidores e cassadores; ma como b’est sa proa chi su ADN issoro at aguantadu  pro mìgias de annos e est galu presente in su patrimòniu genèticu de sa populatzione moderna.

Pro lòmpere a custos congruos  sos istudiosos  ant analizadu s’ADN mitocondriale (chi si trasmitit petzi dae sa mama) de unos 3.500 sardos, seberados in totu sas provìntzias, e l’ant cunfrontadu cun su chi nch’ant bogadu dae 21 antepassados preistòricos chi sos restos issoro los ant imbènnidos in sitos archeològicos de 4.000 e 6.000 annos a como. Pustis custos datos los ant cunfrontados cun àteros 50.000 genomas modernos e 500 antigos, relativos a totu sa populatzione de su mundu. Dae sos resurtados est essidu a  pìgiu chi sos sardos mantenent  su 78,4  pro chentu  de patrimòniu genèticu ligadu  a grupos ètnicos presentes in Sardigna ebbia  e chi nche torrant  a su neolìticu; custu, in àmbitu europeu, est pròpiu unu primadu. Sos particulares de custu istùdiu  a beru interessante los ant publicadu in sa revista

Ligàmenes: https://academic.oup.com/mbe/article/2977388/Mitogenome

http://scienze.fanpage.it/i-sardi-hanno-un-dna-che-resiste-da-12-mila-anni-caso-unico-in-europa/

https://it.wikipedia.org/wiki/DNA

Leave a comment

2 Comments

  1. Mi piacerebbe saperne di più, mio figlio (ciurreddu u steddu) vuol saperne anche lui. Grazie

Send a Comment

S'indiritzu email tuo no at a èssere publicadu. Is campos pedidos sunt signados *