Aborìgenos: sa tzivilidade prus antiga de sa terra?

Aborìgenos: sa tzivilidade prus antiga de sa terra?

   -de Sarvadore Serra-

aborigenu-cun-boomerangSos istùdios genèticos paret chi cunfirment chi sos aborìgenos australianos sunt sa tzivilidade prus antiga de sa terra.   Aubrey Lynch, un’indìgenu antzianu  de sa zona  de Goldfields, at naradu: “Custu istùdiu cunfirmat su chi pensaiamus,  est a nàrrere chi tenimus ligàmenes antigos cun sas terras nostras e chi semus inoghe dae meda prus tempus de  totu sos àteros.” S’ipòtesi chi sos aborìgenos australianos  siant sa tzivilidade prus antiga de sa terra est nàschida dae su primu istùdiu estensivu  de su patrimòniu genèticu issoro, chi nche faghet torrare sas orìgines issoro a prus de  50.000 annos a como.

   Sos sientziados  sunt istados a tretu de agatare s’arrastru de su viàgiu istraordinàriu  fatu dae òmines antigos animosos,  assebertende  sos indìtzios  lassados in s’ ADN de sas populatziones modernas  de  Austràlia e Papua Guinea Noa. S’anàlisi mustrat  chi sos antepassados issoro forsis sunt istados sos primos umanos chi ant rugradu s’otzèanu, e iscòbiat proas  de ligàmenes preistòricos cun unu fradile omìnide disconnotu.

   Prof. Eske Willerslev, unu genetista evolutivu chi at ghiadu su traballu  in s’Universidade  of Copenhagen, narat: “Pro tempus meda b’at àpidu unu bòidu mannu in sa sièntzia. Como ischimus  chi sos parentes nostros sunt istados sos primos esploradores beros. Sos antepassados nostros si sunt istracados de tìmere su mundu  cando ant cumintzadu su viàgiu istraordinàriu issoro  in  Àsia e in su mare.”    De custa iscoberta nd’ant faeddadu in un’artìculu in  sa rivista  “Nature”, chi dat una visione sena pretzedentes  de comente sos umanos in antis ant migradu dae su continente africanu, pustis si sunt partzidos in populatziones diferentes  e in fines  si sunt ispartos in totu sa terra.

aborigena   Sas iscobertas de Willerslev, basadas in un’anàlisi noa relativa  a 83 indìgenos australianos e  25 pàpuas, mustrat chi custos grupos  derivant dae sos primos òmines lòmpidos in su continente  unos 50.000 annos a como e sunt abbarrados isulados belle de su totu  fintzas a unos 4.000 annos a como. “Forsis sunt su grupu prus antigu in su mundu chi tue podes collegare  a unu logu particulare,” narat Willerslev.

   Andende chirru a  Austràlia, sos primos umanos diant dèvere àere addobiadu unu misturitzu de àteras  ispètzias  de omìnides itinerantes, inclùdidu  unu parente umanu disconnotu chi resurtat chi apat cuntribuidu pro su 4% a su genoma indìgenu australianu. In antis sos sientziados aiant iscobertu chi sos acopiamentos preistòricos  ant fatu a manera chi totu sos no-africanos tengiànt oe su 1-6% de s’   ADN neanderthalianu.

   Willerslev narat  chi sos ùrtimos istùdios ant mustradu chi sos  neanderthalianos e àteros omìnides chi como sunt estintos, traditzionalmete pintados comente èsseres chigi-bassos e violentos, fiant “a sas beras,  non particularmente diferentes” dae sos antepassados nostros.    E dae un’àteru istùdiu resurtat chi  s’aventu  de sos cumportamentos umanos modernos unos 100.000 annos a como, caraterizados dae  s’arte rupestre e da s‘impreu de istrumentos de traballu sosfisticados, non paret chi siat istadu acumpangiadu dae mutatziones genèticas de importu.

   “In su genoma nostru b’est s’istòria de totu sos antepassados nostros,” narat Swapan Mallick, unu genetista  de s’ “Havard Medical School” chi at ghiadu sas analasis de sos genomas de pessones  de  142 populatziones diferentes.  S’istùdiu faghet fintzas pensare  chi sas populatziones  KhoeSan (boscìmanos) e Mbuti (pigmeos de s’Àfrica tzentrale) si siant ischirriadas dae sos àteros òmines primitivos in antis de custu, faghende pensare chi non b’at àpidu perunu cambiamentu  biològicu intrìnsecu chi at fatu nàschere totu in unu sa cultura umana. . “Non b’at proas  de una mutatzione màgica chi nos at fatu umanos,” narat Willerslev.

ab3map-of-australia

    Chris Stringer, responsàbile de su setore dedicadu a sas orìgines umanas in su Museu de Istòria Naturale de Londra, narat chi custas iscobertas diant pòdere èssere resone de cuntierra, agiunghende: “Custu podet chèrrere nàrrere o chi sos cumportamentos si sunt isvilupados in antis, o chi si sunt isvilupados in manera indipendente, o chi sunt istados acuisidos  pro more de cuncàmbios de  ideas cun àteros grupos, o chi sos tempos valutados de divisione sunt tropu antigos.”

   S’istùdiu de Willerslev  risolvet fintzas sa contraditzione aparente  intre  sas iscobertas genèticas  chi ìmplicant chi sas populatziones indìgenas  sunt istadas  in Australia pro deghinas  de mìgias  de annos e su fatu chi sas limbas faeddadas dae custas populatziones  tenent petzi unos  4.000 annos. “ Tue bides unu movimentu de pessones  isparghendeˑsi in su continente  e lassende orminas in totue,” narat Willerslev. “Custu est su tempus chi custa limba noa s’est ispainada. Est un’ormina genètica minore. Est comente chi duos òmines  intrent in una bidda, b’istent unu pagu, fatzant carchi faina e pustis si nch’andent comente sunt arribbados.

Ligàmene: http://www.whitewolfpack.com/2016/09/indigenous-australians-most-ancient.html

 

Leave a comment

Send a Comment

S'indiritzu email tuo no at a èssere publicadu. Is campos pedidos sunt signados *